Publizitate sexistari begira

9. ariketa

Adidas

Iragarki hau, marka honek atera dituen futbolerako oinetako berriei buruzkoa da. Bertan, futboleko jokalari famatuak agertzen dira lehia,n zein den azkarrena erakusteko. Iragarkian gizonezkoak bakarrik agertzen dira, ez nuke esango guztiz marxista denik, ez baitu emakumea gutxiesten baina nabaria da ez duela kontuan hartzen. Liga profesionalean ez dute emakumeek jokatuko (hau ere ulertezina den gauza bat) baina badaude futboleko emakumezko taldeak eta hauei ere interesatuko die jolasteko bota berriek; beraz, zergatik ez dute emakumeek iragarkian parte hartzen?

Gallo

Iragarki honetan emakume famatu bat agertzen da pastaren inguruan hitz egiten. Normalean, janari kontuetarako emakumeak erabili ohi dituzte baina batez ere sukaldean janaria prestatzen. Kasu honetan, ez nuke iragarkia matxistatzat hartuko, pasta jaten bakarrik agertzen baita eta ez hau sukaldatzen. Huskeria badirudi ere, horrelako produktuetan ezberdintasun nabaria dago, emakumea sukaldatzen ikusi eta gero senar zein umeei zerbitzatzen edo bera bakarrik jaten. Baina hala eta guztiz ere, aitortu beharrekoa da ohikoena dela emakumea erabiltzea janaria iragartzeko.

Apis

Iragarki hau, tomate fritoarena da eta horretarako aukeraturiko ingurugiroa betikoa da, hau da, sukalde batean ama bat bere bi semeekin. Kasu hau, iragarki sexista dela esango nuke, izan ere, garai bateko etxeko andreen iragarkiak ekartzen baitigutelako gogora. Sukaldea eta haurrei jaten ematea amaren gauza dela ematen du oraindik, garai batean hau horrela ulertzen zen baina gaur egun, gauzak aldatu dira etxe askotan eta iragarki honek ez du batere islatzen aldaketa hori. Zergatik ezin da agertu gizon bat sukaldean umeei afaria ematen? Oraindik hain arraroa al da?

Aquarius

Iragarki hau orokorrean ez da sexista, gizonak zein emakume gutxi batzuk agertzen baitira. Baina, esan beharra dago, protagonistak guztiak gizonezkoak direla, emakumeari protagonismo txiki bat ematen diotenean “etxeko andre” batzuna da eta bidaia egiten dituzte ausartak gizonezkoak dira, ez balego munduan emakume eskalerik.

Axe

Axeren gainontzeko iragarki gehienak bezala, hau ere guztiz matxista da, emakumea oherako objektu sexual gisa erakusten dute, ia biluzik. Gainera, gizonak daraman sofatik irtetzen dira eta sofa hau momentu osoan berak darama; beraz, emakumeak bere atzetik dabiltzala ere uler dezakegu. Produktu honek transmititzen duen ideia guztiz matxista da baina zeozergatik du arrakasta marka honek, asko saltzen delako. Beraz, zera esan daiteke, gaur egungo gizonek marka honek duen ahalmenekin sinisten dutela.


Nokia

Iragarki hau ez da marxista, ez du emakumea gutxiesten ez baztertzen. Bain hemen ere, aquariusekin antzera, cotorrean dabiltzanak guztiak gizonak dira, abentura hauei lotzen zaie oraindik eta emakumeak ikusle huts gisa erakusten dute.

La casera

Iragarki honek, estés badirudi ere badu ikutu sexista, baina bere istorio entretenigarri eta dibertigarriak ezkutatu edo egiten duela esan daiteke. Izan ere, edifizioko pisuen barnea erakusten digutenean, hiru etxetan emakumea ageri da etxeko lanak egiten; platoak lehortzen, umeei askaria mahaian jartzen, supermerkatuan erosketa egiten dagoena ere emakumea da…. Beraz, nahiz eta ez izan nabarmenki sexista, badu matxismo puntua.

Metro de Madrid

Iragarki hau polita izateaz gain, ez da batere sexista. Izan ere, bazen garaia ume baten kargu gizon bat ikusteko, iragarkietan orokorrean, familian ez bada, emakumea arduratzen da umeaz eta.

Orange

Iragarki hau ez da batere sexista, alderantziz, gizon zein emakumeak maila berdinean jartzen ditu eta ez du inongo ezberdintasunik egiten. Gainera leloak dioen bezala, “orange, juntos hacemos mas” eta ondo adierazita dago esanahia nire ustez.

Celta

Kasu honetan ere, betikoa da, ama bat bere semearekin erosketak egiten. Oraindik ez dut ikusi aita bat supermerkatu batean esnea edo beste produkturen bat erosten. Honez gain, berez ez dela iragarki sexista bat esango nuke, hau umeei zuzendurik dago esneak dakarren jostailuengatik, baina hala eta guztiz ere esnea saltzea bilatzen da.

11888

Kasu hau ez da iragarki sexista baten kasua, izan ere, ez da emakume eta gizonen arteko nagusitasunik nabaritzen, ezta ezberdintasunik ere. Pixka bat emakumeak pantailan zein pantailatik kanpo duen jokabidea erakusten du. Hau da, oso tipikoa da emakume bat gizona etxetik botatzea ez duelako serio hartzen bera.

Barceló hoteles

Iragarki hau ez da batere sexista, emakume zein gizon agertzen dira guztiak maila berdinean eta kopuru aldetik ere antzera. Gainera, iragarkiaren hasieran arreta deitu didan zerbait, gizona sukaldean sukaldatzen ikustea izan da; hau, oso gutxitan ikusten da, ez esateagatik inoiz ere ez. Rol aldaketa txiki abt ikus daitekeela esandaiteke eta hau aurrerapauso bat litzateke.


Multiopticas

Iragarki honetan jende ezberdina ikus daiteke, helduak, gazteak, umeak, emakumeak zein gizonak… Nire ustez, ez da batere sexista, denak maila berean agertzen dira, dantzan eta abesten, ez da inor bestearengandik gailentzen, taldean ari dira eta.

Movistar

Orain movistarrek atera duen iragarki berria, aitona eta bere biloba oilarraren mozorroarekin basotik zehar joaten diren iragarkiak ez du kutxu sexistarik. Agian, aitonarekin abenturak izateko eta basotik ibiltzeko, mutikoa da biloba, ausardiaren adierazle edo. Baina orokorrean ez da sexista inondik inora.

Shandy cruzcampo

Iragarki honen leloa “are your senses Reddy?” da eta bertan emakumea da protagonista. Zentzumenak sentitzen dituela aditzera ematen digu, plazerra… Shandy, dakigunez ez da zerbeza normala, lima tokea dauka eta ia freskagarri bat dela esan dezakegu, ez da voldam edo gainontzeko zerbezen modukoa. Hau ikusitakoan berehala ohartu naiz, edari hau neskarekin alderatzen dutela, hau suabeagoa denez, bi sexuetatik ere “ahulena” dena hautatu dute, emakumea. Gainontzeko marketan, aldiz, gizonezkoak ageri dira eta over ahotsa ere gizonarena da baina kasu honetan emakumearena. Beraz, ez dakit sexista kontsideratu daitekeen baina argi dago ezberdintasun bat egiten dutela. Gizonaren presentzia benetako zerbezetan, hauen gizontasuna adierazteko erabiltzen dutela esango nuke.

ondorioak

Hamabost iragarki hauek sexistak diren edo ez aztertu ostean, zera esan dezaket, orokorrean nahiz eta gauzak aldatu diren edo aldatzen saiatu diren publizitatearen munduan, oraindik ere sexismo arrasto ugari daudela. Emakundek aipatu dituen hainbat ezaugarrirekin bat natorrela esan beharra dut. Batez ere, etxeko lanak emakumeen lan exklusibotzat agertzen dituztela, emakumea sukaldean esaterako, etxeko lanak parodiatzen dituzten iragarkiak (la casera), over ahotsa edo aditu baten ahotsa gizonezkoarena denean, gorputza edo gorputzaren atalak saltzen den produktuarekin konparatzen dituzten iragarkiak inolako harremanik izan gabe, axeren kasua...

Nahiz eta gauzak aldatu, oraindik ere aldatzeko asko dagoela esango nuke. Batez ere, emakumeren irudiari dagokionez, askotan bakarrik objektu eder eta sexuala balitz bezala tratatzen da eta gainera produktua edo iragarkiaren testuinguruarekin inongo zerikusirik ez duenean.

Publizitatearen mugak

8.ariketa

1. Iragarki batentzako salaketa bat jasotzea beti izango da kaltegarria batez ere bere irudia zikintzen duelako. Behin, salaketa bat jaso eta nahiz eta salaketa horrek ez izan inolako funtsik, jendeak hau entzutean, baliteke markarekiko mesfidantza edo beste edozein sentimentu negatibo sortaraztea. Nahiz eta salaketa ez joan aurrera, hartzailearen gogoan beti egongo da izan zuen “polemika”.

2. Diskriminamzio hau ikuslearen aukerarekin loturik dagoela esan daiteke. Hau da, publizitatearen kasuan, hein handi batean ikusleak ez du aukeratzen publizitatea ikustea, parean jartzen denean ikusten baitugu; telebistan, aldizkarietan, kalean, metroan…. Ez da hartzailearen aukera bat, ondorioz, inpaktu publizitario horrek eragin dezakeena ez dago ikuslearen esku baizik eta publizitatearen esku. Artikuluan aipatzen den kasu baten antzera, motorraren hotsa egiten duen umearen iragarkia ikusi eta beste ume batek berdina egiten saiatu eta ondorioak jasan zituen. Une horretan ume horrek iragarkia ikusi zuen ohartu gabe, ez zen bere aukera bat izan. Zinemaren kasuan ordea, biolentzia eta sexua erabiltzen dute baina kasu honetan, ikuslearen aukera bat da zinemara joatea pelikula hori ikustera eta jakinaren gainean dago horrelako irudiak presentzia ditzakeela. Beraz, alde honetatik begira, logikoa da publizitatearekin zorrotzagoak izatea, baina hala eta guztiz ere, jasotzen diren salaketen ehuneko handiaren arrazoiak ez dira nahiko sendoak.

3. Kasu honetan, tabakoa eta alkoholari buruz hitz egiten du idazleak. Izan ere, tabakoa eta alkohola telebistan iragartzea debekaturik dago baina aldi berean merkatuan daude salgai. Tabakoaren kasuan, telebistan ez da iragartzen gure osasunerako txarra delako baina hainbeste kezkatzen badira gure osasunagatik, zergatik dago salgai? Erantzuna betikoa da, izugarrizko diru-sarrerak ematen dituelako.

4. Aurretik aipaturiko egoerak (iragarleei salaketak…) ekiditzeko asmotan, iragarleek auto erregulatzea erabaki dute. Hau, iragarleentzako izugarrizko abantaila dela esan dezalegu, izan ere, beraiek eginiko lanak (spot-ak…) neurtzean eta erregulatzean, gerora jasan ditzaketen iskanbilak aurreikusten dituzte eta arestian aipaturiko salaketak ere.

5. Nire burua ez nuke protekzionismoaren muturrean jarriko, ezta askatasun osoaren muturrean ere. Nire ustez, iragarle batek ezagutu beharko lituzke publizitatearen muga moralak. Hau da, nik sormen lan bati ez nioke mugarik jarriko, arteak ez baitu mugarik, baina kontuan izan beharko lukete iragarleek, beraien lanak gizarteari zuzendurik daudela eta hainbat gauza errespetatu beharrekoak direla. Bestalde, ondo iruditzen zait hainbat gauza erregulaturik egotea, beti ere pertsonen duintasuna edo oinarrizko eskubideak urratzen baditu. Kasu hauetan, logikoa iruditzen zait neurriak hartzea, izan ere, sormena askea izateak ez du esan nahi dena onartua dagoenik.

Publizitatea: entretenimendua edo salmenta tresna?

7.ariketa


1. Gaur egungo publizitatearen saturazioari dagokionez, iragarkien eraginkortasuna jeitsi egin dela esa daiteke. Hau da, saturazio honen ondorioz, jendea gogaitu egiten da hainbeste iragarki ikusteaz eta ez da hauen produktu edo markekin geratzen. Hau ez da batere errentagarria iragarleentzat ezta agentzientzat ere, azken batean, iragarleak asetu behar baititu eta. Saturazio honek hartzailearengan duen ondorio nagusienetako bat, ez dela honen memorian geratzen izan daiteke; horregatik, artikuluak dioen bezala, gaur egun iragarkiak egiteko modu alternatibo bat bilatzen dihardute agentziek saturazioari aurre egiteko.

2. Legeriak dioenez, programaren %10a eskaini behar zaio publizitateari, baina kate nagusiek hau ez dute errespetatzen ez zaielako interesatzen besteak beste. Nahiz eta legea erregulaturik egon, legea bera ere ez da arduratzen telebista kateek betearaztera. Bestalde, telebista kateei dagokienez, hobeto irtetzen zaie legea hautsiz publizitate gehiago sartzea eta zigorra ordaintzea, legea betetzea baino. Izan ere, saturazio honekin lortzen duten dirutza izugarria da eta ez diote arduratzen zigorra zenbatekoa izango den, saturazioari esker jasoko duten ekarpena askoz handiagoa izango delako. Beraz, esan besterik ez dago, saturazio honekin errentagarritasun gehien lortzen dutenak, telebista kateak direla izugarrizkoa dirutza eginez.

3. Saturazioa dela eta, iragarleek ezinbestekoa ikusten dute beraien publizitatea besteengandik bereiztea, horretarako, originaltasuna bilatzen dute eta hau istorioan datza. Artikulu honetan aipatzen den datu interesagarri bat honako hau litzateke; jendearen ustez telebistan publizitatearen saturazioa handia dagoela baina beraiei ez diela molestatzen, are gehiago, gustura ikusten dituztela iragarki batzuk. Fenomeno hau, aurretik aipatutakoaren ondorio garbia dela esan dezakegu, izan ere, gaur egun iragarki askok, marka promozionatzeko orduan, istorio baten bidez kontatzen dute beraiek transmititu nahi dutena. Horrela, ikuslea istorioaren parte bihurtzen dute eta era berean pentsarazi istorio horrek zein lotura izango lukeen produktuarekin.


4. Iragarleek agentziei ematen dien sormenerako aukera zabala ondo dago, originala izan ezkero, entretenitua izan daiteke eta era berean hartzailearen memorian geratzeko errazagoa da. Baina, honek ere izan litzake bere alde txarrak, iragarleak bere publizitatea nabarmentzea nahi du, baina ez honi buruz hitz egitea bakarrik. Ez dugu ahaztu behar publizitatea egitearen arrazoi nagusiena, produktua saltzea dela eta errentagarritasuna lortzea. Beraz, iragarkiaren eraginkortasuna zalantzan geratzen da; hau da, arrakasta izan badu jendearengan, nola neurtu eragin hori? Gelditu al dira produktuarekin?

Iragarkien elementuak aztertuz

6.ariketa

Klasean 10 spot ezberdin aztertu ostean, hainbat ezaugarri amankomunean dituztela ikus dezakegu. Alde batetik, ikusi besterik ez dago iragarki gehienak emozionalak direla; izan ere, 10etik 7 emozionalak dira eta gainontzekoak mistoak, hau da, emozionalak eta arrazionalak uztartzen dituztenak. Hemen ikusten da gaur egungo iragarkien joera nagusia jendearen emozioak piztea edo hunkitzea dela, honek bultzatzen baitu bezeroa kontsumitzera.
Beste ezaugarri aipagarri bat umorea dugu, azterturiko iragarki gehienek umorea erabiltzen baitute persuasio gisa. Honen barruan esajerazioa asko erabiltzen da eta umore absurdua ere (Mixtaren kasua, nahiz eta ez izan klasean azterturikoa). Publizitatea umoretsua izateak, hartzailearen memorian lekua hartzen du denboraldi batean eta hau oso garrantzitsua den aspektu bat dela esan dezakegu publizitateren munduan.

Aipatu bezala, iragarki gehienak emozionalak dira, beraz, ez dira batere didaktikoak. Nahiz eta baten bat arrazionala izan (11888 kasua adibidez) ez du garai batean bezala pausuz pausu azaltzen egin beharrekoa. Gainera, arestian esan bezala, iragarkia didaktikoa izatea soberan dago, emozioek hartu badute garrantzia.

Bestalde, esan beharra dago musika iragarkietan ez dela faltatzen, kasu honetan ere azterturiko 10 iragarkiek dute musika. Gainera, ikaskideekin aipatu bezala, gaur egun jingleak asko erabiltzen dira eta hau gogora erraza suertatzen da ikuslearengan, esaterako 11888 iragarkia. Musika iragarkiaren estimulatzaile garrantzitsua dela esan daiteke eta hau ez bada, umorea.
Beste ezaugarri bat ospetsuen erabilera litzateke, ikusi bezala, gaur egun nahiko normala da ospetsuak erabiltzea, aktoreak, kirolariak… Azterturiko spot-etan esaterako, bi ospetsu ikusi ahal izan ditugu; Antonio Banderas eta Paco Leon. Honek dirudienez eragina du produktua kontsumitzeko orduan, izan ere, egungo iragarki askotan azaltzen dira, baliteke moda hutsa izatea, gerora nork daki zerk erakarriko dituen kontsumitzaileak.

Azkenik, over ahotsari dagokionez, bi ezik beste guztiak gizonezkoen ahotsak dira, azterturiko iragarkiez gain, orokorrean ere ikus genezake gizonezkoen ahotsa askoz ere gehiago erabiltzen dela emakumearena baino. Baliteke gizonezkoen ahotsa erakargarriagoa izatea eta aldi berean konbentzigarriagoa.

Beraz, 10 spot hauek aztertu ostean, zera ondorioztatu dezakegu, gaur egungo iragarkiak emozionalak direla arrazionalak baino, aipatu bezala ikuslea emozionalki irabaztea bilatzen baitute. Gainera, umorea ere oso erabilia da iragarkietan eta askotan umore absurdua, honekin bater,a musika asko erabiltzen da eta ahots erabiliena gizonezkoarena dela argi geratu da.

Post-testa

5.arketa

KANPAINAREN DESKRIBAPENA

Postest hau egiteko guk aukeratu dugun kanpaina Nespresso. What else? ena izan da, George clooneyk protagonizatzen duena hain zuzen ere.
Iragarki hau McCann Parisek sortu eta Robert Rodriguezek zuzendu zuen. Spot hau estreinatu aurretik iragarlearen web orrialdean ikusi ahal izan zen, baina soilik Club Nespressoko bazkideak zirenek ikus zezaketen. Honen inguruan lehiaketa bat sortu zuten komunikazio kanpainaren barnean. Web orrialdean ez zegoen iragarki osoa ikusgai, irudi batzuk soilik eta partaideek istorioa nondik nora zioan pentsatu behar zuten eta beraien ideiak on line ezarri. Istorio originalena asmatzen zuenak Cannes zine festibaleko 2010. urteko ediziorako bidaia bat irabaziko zuen.

TARGETA

Iragarki honen target zehatza pertsona ezkongabeak dira, baina, orokorrean kafe ona etxean hartzea gogoko duen edozein pertsona. Lehenengo ideia kontuan hartuta, Hollywoodeko urrezko ezkongabea dela protagonista nagusia oso garrantzitsua da gure ustetan, target horrengana zuzenean iristeko.

SARRERA

Postest honek, kanpaina zehatz horrek hartzailearengan izan duen eraginkortasun maila kalkulatzeko balioko digu, efektuak neurtzen lagunduko digu. Test honi esker, targetak gure iragarkia ikusi duen, gogorarazten duen, markarekin identifikatzen duen, sinesgarria eta gustagarria zaion edota gure mezua ulertu zuen jakingo dugu. Era honetan, gure komunikazio helburua bete den ikusi ahalko dugu.

METODOLOGIA

Gure postesta burutzeko hamabi galdera dituen inkesta pasako dugu gure ezagunen artean. Gutxi gora behera hamabost pertsonei egingo diegu galdeketa eta hau gehienbat galdera itxi eta mistoekin egongo da osatua.

KANPAINAREN INPAKTUA

Postest honetan inkestatu ditugun 15 pertsonetatik, 8 emakumezkoak izan dira eta 7 gizonezkoak. Adinari dagokionez, gehienak 15-30 urte bitartekoak izan dira, 6 pertsona zehazki. Horiez gain, 30 – 50 urte bitarteko 5 pertsona eta 50 urtetik gorako beste 4 ere inkestatu ditugu.

Inkestatu guztiak baieztatu digute normalean telebista ikusten dutela eta gogoratzen dituzten 3-4 iragarki aipatzeko eskatzerakoan, hiruk gure iragarkia ikusi dutela ziurtatu digute. Gogoratzen ez dutenei gure galdera zehaztu diegu, eta ospetsu bat ageri den iragarkiak aitatzeko eskatu diegu. 12 hauetatik erdiak gure iragarkia esan dute. Hala ere, beste 6 pertsona daude oraindik gogoratzen ez dutenak eta hauei oraindik gehiago zehaztu diegu galdera, ospetsu hori Hollywoodeko izar bat dela esanez. Argibide honekin 6 horietatik guztiek gogoratu dute gure iragarkia.

Behin gure iragarkia zein den argi azalduta produktuaren eta iragarkiaren inguruko hainbat galdera burutu diegu.
Inkestatuen artean, bederatzik lotu dute iragarkia bera gure markarekin eta hamaikak, nahiz eta batzuk ez gogoratu marka, spotaren istorioa badakite zein den. Iragarkia baloratzerako orduan hainbat ezaugarri aipatu diegu eta beraiek 1tik 5era puntuatu behar izan dute. Gogora erraztasunak, originaltasunak eta dibertigarritasunak puntu altuak lortu dute, batez beste guztiek lauko bat izanez. Aldiz, ulertzeko erraztasunak eta eraginkortasunak batez beste biko nota lortu dute soilik.

Iragarkiaren eraginkortasunari dagokionez, kafe makina hori erostea planteatu diren galdetzean gehiengoak ezezkoa eman digu hainbat arrazoirengatik, jada badaukatelako makina bat edota ez dutelako interesik. Orokorrean, iragarkia deskribatzerakoan bi hitz hauek izan dira nagusienak, elegantzia edo glamourra (Hollywoodeko izar bat agertzen baita, George Clooney) eta kalitatea. Hauetaz gain beste hitz batzuk ere agertu dira, besteak beste, garestiaren inpresioa.

ONDORIOAK

Postest honetatik jaso ditugun erantzunekin ondorio nagusi batzuk atera genitzake. Hasteko iragarkia erraz gogoratzen dela ikusi ahal izan dugu eta honen zergati nagusiak ospetsuaren, kasu honetan Hollywoodeko izarra den George Clooneyren, erabilera eta narrazio batean oinarrituta dagoela dira. Honek erakusten digu zer nolako indarra duen hain famatua den pertsona bat erabiltzeak.

Iragarkiaren eta markaren arteko erlazioa ere nahiko indartsua dela ikusi dugu %60ak lotu baitu spota bere markarekin. Gogora erraztasun hau gehienbat originaltasunagatik da eta baliabide ezberdinekin lortu da, George Clooney agertzen delako narrazioaren protagonista bezala eta istorioak duen umore toke horrengatik gehienbat.
Hala eta guztiz ere, nahiz eta aberasgarria izan iragarkia eta marka ikuslearen memorian geratzera, azken helburura ez da hainbeste arrakastarekin betetzen, hau noski, gure inkestatuen arabera. Izan ere, kafe makina erosiko luketen galdetzerakoan gehiengoak ezezkoa esan digu.

INKESTA

1. Sexua

a) Emakumea b) Gizona

2. Adina

3.Ikusten al duzu telebista normalean?

a) bai b) ez

4.Gogoratzen al duzu azkenaldian ikusi dituzun iragarkietako batenbat? Esan 3-4 bat.
(Gure iragarkia esanez gero joan 8. galderara)

5. Gogoratzen al duzu ospetsuak agertzen diren iragarkirik?

a) Bai b) ez

Zein?____________________
(Gure iragarkia esanez gero joan 8. galderara)

6.Eta Hollywoodeko izar bat agertzen den iragarkiren bat?

a) Bai b) Ez

Zein? ___________________
(Gure iragarkia esanez gero joan 8. galderara)

7. Gogoratzen ahal duzu George Clooney aktorea agertzen zen iragarkia?

8. Zein markaren iragarkia zen?

9. Zer gertatzen zen iragarkian?

10. Baloratu ondorengo ezaugarriak:

GUTXI ASKO

- Gogoraerraztasuna 1 2 3 4 5
- Originaltasuna 1 2 3 4 5
- Ulertzeko erraztasuna 1 2 3 4 5
- Eraginkorra 1 2 3 4 5
- Argia 1 2 3 4 5
- Aspergarria 1 2 3 4 5
- Dibertigarria 1 2 3 4 5

11. Iragarkia ikusi ostean, planteatu ahal zara kafe makina hori erostea?

a) Bai b) Ez

Zergatik?________

12. Iragarkia ikusi ostean, zein bi hitzekin deskribatuko zenuke Nespresso marka?

* Post-testa Itziar Markuletarekin egin dut

eraginkortasuna saritzen

4.ariketa

Eficacia sariak publizitatearen eraginkortasunaren inguruko jaialdi bat da non iragarki eraginkorrenak saritzen diren. Jaialdi honen berezitasunetako bat zera izan daiteke, agenziek antolatu beharrean iragarleek antolatzen dutela, markarik eraginkorrena saritu eta bide batez iragarleari prestigioa eman. Aipatu bezala, sari hauek ezin hobeak dira iragarle baten marka sektorean bereizteko eta izena ezagunagoa bihurtzeko merkatuan zein kontsumitzaileen artean; gainera, arrakasta hau lortzeak zera esan nahi du, kanpainako inbertsioa ez dela alferrikakoa izan eta gainera proposatutako helburuak lortu direla, hauen artean eraginkorra izatea, beraz, izena fidagarri bihurtzen da eta arrakasta ziurra izango litzateke. Beste arrazoietako bat saria jaso izanak kontsumitzailearengan konfiantza edo fidagarritasuna sor dezakeela izango litzateke; hau da, kontsumitzaileak jakinaren gainean baldin badago iragarle horrek saria jaso duela, agian izango du zer ikusia bere jokabidearekin. Bestalde, iragarleak ez du meritu guztia eramaten, izan ere, agentziek egiten dute lan kreatiboa eta honen araberakoa da publizitate hori eraginkorra izatea, beraz, agentziek ere merituaren zati handi bat zeharka eramaten dutela esan daiteke, sari hauek beraiei ere saritzen dietela esango nuke.

2009.urteko irabazleen zerrenda eta iragarleen inbertsio ranking-a ikusi ostean, zera esango nuke, inbertsio handiek ez dutela eraginkortasuna ziurtatzen. Ikusi besterik ez dago inbertsio ranking-ean, telefonicaren kasua, izugarrizko dirutza inbertitzen du, nahiz eta 2008an baño gutxiago inbertitu 2009an, baña hala eta guztiz ere liderra da ranking-ean eta zerrenda horretako lehenengo bost iragarleetatik esaterako, berak bakarrik irabazi du eficacia saria, gainera zilarrezkoa, ez urrezkoa. Sarien artean ikea dugu 2009an lorturikoa eta honek agian ez du telefonicak beste inbertitu baina sari garrantzitsuagoa irabazi du eraginkorragoa izan delako sektorean. Beraz, nire ustez, hemen kontua ez da inbertsioaren araberakoa baizik eta estrategia eta originaltasuna, inbertsioa eta eraginkortasuna ez dira osagarriak. Ikearen kasua adibide garbia dela iruditzen zait, 2009an bere “bienvenido a la republica independiente de tu casa” kanpainarekin, irabazle suertatu zen; izan ere, azkeneko hiru urtetan izugarri hasi dira ikeako salmentak eta honek zera esan nahi du markaren identifikazioa zuzena izan dela kontsumitzailearekiko eta aldi berean eraginkorra. Gainera, kontsumitzaileen eskaerei men eginez, kanpainaren leloa duen etxe atariko alfonbrak ekoiztu zituzten, berez ez zirenak existitu ere egiten eta hasiera batean 20.000 unitate zirenak, 200.000 bihurtu ziren. Beraz, kasu hau ezagututa ondorioa argia dela esango nuke, ez dakit ikearen inbertsioa zenbaterainokoa izan den baina ez dut uste telefonicaren bezainbestekoa izan denik, baina hala ere, eraginkorra izan dela argi geratu da eta horra hor arrakasta borobila.

facebook esperimentuaren amaiera

3. ariketa

Facebook-en lagunak egiteko 40 bat eskaera egin nituen eta hoerietatik 22 pertsonek agregatu didate ni ezagutu gabe. Hasiera batean, pare bat lagun ezagunei bidali nizkien eskaerak eta hauek ni onartu ostean, hortik hasi nintzen beraien kontaktuei bidaltzen, niretzako guztiz ezezagunak zirenei eta horrela gehienek onartu didate. Sortu dudan pertsona neska bat izan da, Alicia Montero delakoa, 23 urte eta Bartzelonakoa, profilean bi nesken argazkia jarri dut bakarrik, ez dut inongo taldeetan parterik hartu ezta bestelako argazkirik igo ere.

Egin dudan esperimentuaren arabera, bilatu ditudan lagunak nire lagun ezagunen bidez izan dira, hau da, hauen beste kontaktuei bidalitako eskaerei esker. Hau ikusi ostean, orokorrean ez dela kontuan hartzen ea lagunen bat duten komunean esango nuke, gehienak guztiz ezezaguna nintzelarik onartu naute eta. Beraz, oso erraza da facebook-ean lagunak egitea eta bide batez elkar informazioa pasatzea, promozioak, berriak, bideoak… marketing viral-a egiteko tresna paregabea iruditzen zait, inongo esfortzu berezirik egin gabe erraz hedatzen direlako mezuak. Baina nahiz eta hedapen erraza baliabidetu, zalantza nagusi bat sortzen zait, izango al dute sare sozial hauetan marketing teknikek benetako eraginik hartzailearengan?

Ezin daiteke esan orrialde hauetan agertzen diren iragarkiek ez dutela eraginik, izango dutelako bere neurrian, baina nire ustez eragina ez da sakona, azalekoa baizik. Hau da, sarearen erabiltzaileak begiratuko dio iragarkiari eta klik-atu ere agian baina ez du arretaz aztertuko, iragarkiak sortarazi dion kuriositatea asetu ostean itxi egingo du leihoa. Ondorioz, oso zaila iruditzen zait marketing plangintza bat sare sozial famatu hauen bidez egitea soilik. Egon egongo dira marketing kanpainaren bat facebook-en bidez egiten dena, parte hartze asko dagoelako baina oraingoz ez dut ezagutzen edo ez naiz ohartu.